5 ශ්‍රේණියේ විෂය නිර්දේශයට ඇතුළත් විෂය සමගාමී හා වෛකල්පිත විෂය වැඩසටහන් ක්‍රියාවට නංවමින් දරුවන්ගේ සෞන්දර්යාත්මක හැකියාවන් වර්ධනය කිරීමට සහ ප්‍රදර්ශනය කිරීමට මෙම වැඩසටහන සංවිධානය කරන ලදි.

                        විශේෂයෙන්ම ශිෂ්‍යත්ව විභාගයෙන් පසුව ගතවූ නිදහස් කාල සීමාව තුළ විෂය ඉගැන්වීම්වලට අමතරව වැඩි කාලයක් මෙම සෞන්දර්යාත්මක ක්‍රියාකාරකම් සඳහා යොදා ගැනීමට හැකියාව ලැබුණු අතර නර්ථන අංගයන් සඳහා දරුවන් පුහුණු කර ගැනීමට හැකියාව ලැබුණි. ඉන් පසුව දෙමවුපිය හමුවීම්වලදී මෙම වැඩසටහන පිළිබඳව දැනුවත් කළ අතර ඒ පිළිබඳව දෙමවුපියන්ගේ ප්‍රසාදය පළ කළහ. අවශ්‍ය සියලුම පහසුකම් සපයා දෙන ලදී. ඒ අනුව මෙම වැඩසටහන එළි දක්වමින් 2023.12.21 දින පාසල් ප්‍රධාන ශාලාවේ වේදිකාව මත මෙම වැඩසටහන ආරම්භ විය. මෙම වැඩසටහනේ අරමුණ වූයේ 2023 වර්ෂයේ ශිෂ්‍යත්ව සමත් දූ දරුවන් ඇගයීම සහ 5 ශ්‍රේණියේ සියලුම දූ දරුවන්ගේ කුසලතා ඇගයීම වෙනුවෙන් විවිධප්‍රසංගයක් වශයෙන් ඉදිරිපත් කිරීමයි. මෙම වැඩසටහන විදුහල්පතිතුමාගේ සහ ආචාර්ය මණ්ඩලයේ සහයෝගය මත ඉතා ආකර්ෂණීය ඉදිරිපත් කිරීමක් ලෙස පවත්වන්නට හැකියාව ලැබුණි.
                                                                                                                                                                                                             

                                                                                                                                                       I.A.P.සිසිර කුමාර මයා - 5 ශ්‍රේණිභාර

5 ශ්‍රේණියේ විවිධ ප්‍රසංගයට අදාළ පින්තූර ගැලරිය