ව/ගිරි/ගල්ගම්මුල්ල මයුරාවතී මහා විද්යාලයට 2023/11/17 දිනය සුවිශේෂී දිනයක් බවට පත් විය. එයට හේතු වූයේ මෙම විද්යාලයට වසර 113ක් පමණ ගතවී ඇතත්, පාසල් සිසුන් සඳහා පානීය ජලය නොමැතිවීම මෙතෙක් නොවිසඳුනු මහත් ගැටළුවක්වී පැවතීමයි. ඒ සඳහා අප විද්යාලයේ පාසල් සංවර්ධන සමිතියේ හිටපු ලේකම් රත්නායක මහතාගේ සම්බන්ධීකරණය යටතේ නෙදර්ලන්තය හා අනුබද්ධිත Kansarman SL Foundation නමැති ආයතනයේ ඉදිරිපත් වීම අප සැමගේ සතුටට කරැණක් බවට පත්වූවා.
ඒ අනුව ඉදි කරන ලද ඳළි සහ පානීය ජල සැපයුම් පද්ධතිය සඳහා විශාල වියදමක් දරා තිබුණු අතර දෙමාපියන් විසින් දැක්වූ නොමසුරැ සහයෝගය බෙහෙවින් අගය කළ යුතුවේ.
මෙම ජල සැපයුම් පද්ධතිය සිසු අයිතියට පැවරීමත්, ශ්රී ලංකාවේ පළමු වරට පරිසරයේ ජල සංස්කරණය පිළිබඳ "අපට රුධිරය මෙන් ලොවට ජලය" යන තේමාව සඳහන් පෝස්ටරය පාසල් ප්රජාව සඳහා එළි දැක්වීමත් මුල් කරගනිමින් 2023/11/17 දින ප්රණාම උළෙලක් සංවිධානය කර තිබුණි.
මෙම උත්සවයේ ප්රධාන අමුත්තා වූයේ Kansarman SL Foundation ආයතනයේ නෙදර්ලන්ත මව් සමාගමෙහි සභාපති "යන්ග් වෑන් ස්ටීල්" මහතායි. ගිරිඋල්ල කලාප අධ්යාපන කාර්යාලයේ තාක්ෂණ අංශයේ නියෝජ්ය අධ්යාපන අධ්යක්ෂතුමිය මෙන්ම Kansarman SL Foundation ආයතනයේ අධ්යක්ෂවරැන් දෙදෙනෙක් වන චමින්ද ප්රනාන්දු පුල්ලේ මහතා සහ අරුණ ෆොන්සේකා යන ආරාධිතයන්ගේ ද සහභාගීත්වයෙන් පැවති මෙම උත්සවය විද්යාලයේ නැටුම්, සංගීත හා ඉංග්රීසි අංශවලින් ඉදිරිපත් කළ විචිත්රවත් අංග මගින් අලංකාර කර තිබූ අතර පාසල මගින්ද ප්රධාන ආරාධිත අමුත්තා වෙත සමරැ තිළිණයක් පිළි ගැන්වීම විශේෂ අවස්ථාවක් බවට පත්වී තිබුණි.
එදින ප.ව. 13.30ට පමණ නිමා වූ මෙම උත්සව සභාව අමුත්තන් වෙත පිරිනැමුණු තේ පැන් සංග්රහයකින් නිමා වූ අතර අමුත්තන් කැඳවා ගෙන ඒම සඳහා සංවිධානය කර තිබූ උඩරට නර්තන අංග රැගත් පෙරහැර කාගේත් අවධානය දිනාගත් බව විශේෂයෙන් සඳහන් කළ හැකිය.
