"සියල්ලන්ටම වඩා දරුවන් වටී" යන 2023 වසරේ තේමාව පෙරටුකර ගනිමින්, ලෝක ළමා දින උළෙල සමරන්නට, 2023 ඔක්තෝම්බර් 02 වන දින මයුරාවතී විදුපියස සූදානම් කර තිබුණි. පාසල් මව්තුරුලේ ඉගනුම ලබන සියලුම දූ පුතුන් සඳහා මෙදින සුවිශේෂී දිනයක් වූ අතර විවිධ වර්ණවත් ඇඳුමින් සැරසී විදු බිමට පැමිණි දරු කැළ, මුලින්ම ඔවුන්ගේ වයස්මට්ටම් අනුව සූදානම් කර තිබූ, විනෝද ක්රීඩා සඳහා සම්බන්ධ වෙමින් ඉමහත් ආශ්වාදයක් වින්දේ වසරේ වැඩි දින ගණනක් ගත කරන අසුන්ගත අධ්යාපනයෙන් මිදුණු මිටින් හළ සියොත් කැළකගේ අසිරිය මවා පාමිණි.
මෙදින පාසලේ අධ්යයන හා අනධ්යයන කාර්ය මණ්ඩලය සංවිධාන කටයුතු වල යුහු සුළුව නියැලෙමින් කඩිසරව කටුයුතු කරනු දැකීම මෙම ක්රීඩා ඉසව් නැරඹීමට පැමිණි දෙමාපියන් ඇතුළු කාගේත් පැසසුමට ලක්වූ අතර විනෝද ක්රීඩා අවසානයේ වෙහෙස නිවාගත් සියලුම දූ දරුවන් සඳහා අධ්යයන, අනධ්යයන කාර්ය මණ්ඩලය මඟින් සංවිධානය කර තිබූ පරිදි ප්රනීත එළවළු බත් (Fride Rice) සංග්රහයක් පිරිනැමුණේ දරැවන්ගේ ප්රීතිප්රමෝදය තව තවත් වර්ධනය කරමිනි.
මෙදින සවස් යාමයේ පාසල් අධ්යාපන කාලය තුළ සමස්ත ලංකා මට්ටම දක්වා විවිධ ඉසව් ඔස්සේ ජයග්රහණය කළ දරුවන් අගයමින් ජය සංකේත ප්රදානය කෙරැණේ කාගේත් ඔල්වරසන් හඬ ගුවන් ගැබ හා එක් කරමිණි.
